Waxaa abaalmarino lagu gudoonsiiyay magaalada Manchester suxufiyiin ka shaqeysa isboortiga Soomaalida ee qurbaha , kuwaasoo degan magaalada London.
Saxafiyiinta abaalmarinada la siiyay ayaa waxey kala yihiin Cabdinaasir Ismaaciil oo Tv Universal Sports ka sheega iyo Yusuf Yusuf oo ururka SSPAMEDIA ka tirsan.
Abaalmarintaan ayaa waxaa siiyay wariyayaasha gudiga Somali Old Boys Manchester, markii ay sabab ugu dhigeen taageerada iyo dadaalka ay ugu jiraan suxufiyiintaan soo shaac bixinta isboortiga Soomaaliyeed ee Qurbaha.
Gaashaanle sare Shariif Zeeno ayaa gudoonsiiyay mudane Cabdinaasir Sola, halka Mudane Fuaad Osmaan(WPSC) u gudoonsiiyay Mudane Yusuf Yusuf.
Gaashaanle sare Shariif Zeeno oo abaalmarin siinaya Cabdinaasir Sola
Munaasabadaan waxaa soo qaban qaabiyay Garsoore Caalami mudane C/qaadir Mohamed Ibrahim ‘’Caddaay’’ iyo ciyaaryahan hore mudane Axmed Bishaar Sheegoow.
Print
Email
