Xaflad aad u heer sareysa oo caawa ka dhacday xarunta Jaamacadda PSU ayna ka soo qeybgaleen dhamaan madaxda Soomaalida oo uu ugu horeeyo madaxweynaha Dowladda Federaalka Mudane Shariif Sheekh Axmed, Guddoomiyaha Baarlamaankan Mudane Shariif Xasan Sh. Aadan, Ra’iisul Wasaaraha Soomaaliya Dr. Cabdiweli Maxamed Gaas, Madaxweynaha Puntland Dr. Cabdiraxmaan Faroole, Madaxweynaha Galmudug Mudane Maxamed Caalin, iyo hogaamiyaha Ahlusunna Waljamaacah.

Munaasabada ayaa sidoo kale waxaa goob joog ka ahaa Ambassador Mahiga oo ah ergeyga gaarka ah ee xoghayaha guud ee Q/midoobay, Wasiirka Awqaafta iyo arriimaha Diinta ee Dowladda Jabuuti Mudane Xaamud Suldaan, kuxigeenka Ambassadorka midowga Afrika ee Soomaaliya Hon. Wafula Wmanyiyi iyo ergooyin kale oo matalaysay beesha caalamka.

Madaxweynaha Puntland Dr. Faroole oo ugu horeyntii munaasabada ka hadlay ayaa ku tilmaamay heshiis taariikhi ah oo ay wada gaareen madaxda Soomaaliyeed, wuxuuna xusay in ay jireen caqabado fara badan balse alle mahadiis markii dambe looga gudbay is faham iyo is qancin, isaga oo si gaar ahna u xusay in heshiiskani uu yahay mid u qalma masiirka ummadda Soomaaliyeed.

Sidoo kale, Ambassador Mahiga oo goobta ka hadlay ayaa ku bilaabay hadaladiisa “Wey hagaagtay, waana la guuleystay, dhamaanteena waxaanu nahay kuwo guuleystay” ayuu si kaftan ah u yiri wuxuuna dhanka kale dadweynaha u sheegay in markii la saxiixay heshiiskan uu durba la xiriiray xoghayaha guud ee Q/midoobay Bankimoon uuna u sheegay in Soomaalidu heshiisay.

“Markii aan u sheegay Bankimoon in la heshiiyay, wuxuu igu yiri waa arrin wanaagsan, hadda ayaana u sheegayaa adduunka oo dhan” ayuu mar kale yiri isaga oo xusay in sidoo kale uu ku wargeliyay heshiiskan Mr. Jing Ping oo ah guddoomniyaha midowga Afrika.
Madaxweyne Shariif oo isna ka hadlay heshiiska caawa ayaa ku tilmaamay mid taariikhi ah oo umadda Soomaaliyeed kuwa gudaha iyo kuwa dibaddaba ay ku farxi doonaan.

Dhanka kale, dhamaan madaxda Soomaaliyeed waxay dadweynaha hortooda ku saxiixeen heshiiska, waxaana xusid mudan in heshiiskan uu kaga duwan yahay heshiisyadii hore marka laga tago in gudaha dalka Soomaaliya uu ka dhacay, haddana waxaa la saxiixay caawa saqda dhexe abaara 12:00 ama, waxaana ugu dambeyn xafladu ay soo gabogabowday 01:00 pm.

Xafiiska Raysalwasaaraha Soomaaliya

GalGalanews

Eng. Ahmed Guure wuxuu ahaa nin u ololeeya midnimada Soomaaliyeed isla markaana aad uga dhex muuqdey siyaasada mideyn ummada Soomaaliyeed. Axmed Guure wuxuu wax kusoo bartey dalka Kuweit, wuxuu ahaa xubin kamid ah SSDF islamarkaana ahaa madaxii ururka SSDF ee imaaraadka Carabta dabayaaqadii 70meeyadii iyo bilowgii 80meeyadii, kadibna wuxuu soo noqdey hogaamiye/hogaamiye kuxigeenka ururka USP wixii ka dambeeyey 1990kii.

Idaacada SPR ayaa waxay idiin soo gudbin taariikh nololeedkii Marxuumka Axmed Guure inagoo waliba wareysiyo la sameyn doona dadkii ay wada shaqeyn jireen gaar ahaan waqtigii uu maamulka Puntland ka ahaa gudoomiye baarlamaan.

INAA LILAAHI WA INAA ILEYHI RAAJICUUN

spr-laasqoraynet

Halkan ka Dhegayso

Sidoo kale waxa uu ku Baaqay in Shirwayne Gudaha dalka lagu qabto,waana Isinkii ugu Horeeyay ee soo dhaweeyay Shirkii Jaaliyada ee dalka kenya

Halkan ka Dhegayso

Xigasho GalGalanews

Dagaal saaka ayaa waxa uu dhaliyey khasaaro lixaad leh iyadoo ay jirto dhimasho badan iyo dhaawac iyo weliba maxaabiis lakala qabsadey isla markaana uu dagaalku ku fidey deegaano kale oo aan aheyn kuwii uu hore ka bilawdey.

Dagaalka ayaa saaka aroortii hore ayaa waxa uu ka bilowday tuulada Sooljoogta oo degmada Buhoodle hoos timaada una jirtey masaafo aan ka badneyn 30km isla markiiba waxa uu ku fidey tuulada kale ee Maygaagle oo iyaduna wax jar dhinaca galbeed kasii xigta Sooljoogta.

Dagaalkan ayaa dadka deegaanku noo xaqiijiyeen inuu ka bilowday kadib markii ay weerar culus oo madaafiic laga soo horeysiiyey ay soo qaadeen ciidamada Somaliland isla markaana laga difaacey Sooljoogta.

Dagaalka gelinkiisii hore waxaa ku itaal roonaadey beesha Dhulbahante ciidamadeeda iyadoo baabur 3 gaari ah oo labo cabdi bile yihiin iyo mid Zuu ah laga qabsadey maleeshiyaadka Beesha Isaaq.

Sawirka hoose waa gaari nooca  Cabdi Bilaha ah oo ka mid ah baabuurtii ay ciidamada Beesha Dhulbahante soo qabsadeen

Dhinaca dhimashada waxaa warar naga soo gaarey Magaalada Burco ay sheegayaan in laba baabuur oo dhaawac iyo maydad saaran yihiin la keeney cisbitaalka weyn ee Burco iyadoo dad goob joogayaal ahi sheegeen in tirada guud ay tahey 12 mayd iyo dhaawac isugu jira.

Dhinaca Buhoodle, goob joogayaal ayaa waxay xaqiijiyeen in dhimasho Sadex askari oo  ciidamada beesha Dhulbahante ahi la keeney cisbitaalka magalaada xaga dhaawac aan la garaneyn la waday dhinaca Gaalkacayo ee gobolka Mudug.

Sawirka sare waa sawir muujiinaya gaai Zuu ah oo lab dhuumood ah oo ay beesha xaq u dirirka Dhulbahante ay soo qabsadeen.

Waa markii 6 ee ay ciidama beesha Isaaq weerar qaawan kusoo qaadaan Dadka deegaanka Buhoodle iyadoo mar walba a jebinnay isla markaana uu dagaalku yeeshey waji qabiil iyadoo aan laga filanneyn in beelaha Kale ee Darood ay geli doonaan dagaalka iyadoo beelaha Isaaq uu ku dhan yahay.

Waa gaari kale oo ay ciidamada beesha Dhulbahate soo qabsadeen.

Sidoo kale dagaaladan ayaa waxay dhacayaan xili Suldaanka guud beesha Warsangeli uu Hargeysa iska xaadiriyey isla markaana loogu yeerey xoogaa kharash ah sida ay caadadu noqotey hase yeeshee dareenka dadka u dhashey Beesha Warsangeli ayaan ka duwaneyn dareenka beelaha kale ee Daarood ee ku aadan gar darada qaawan ee beesha Isaaq ay wadaan.

LaasqorayNET-Bosaaso. isha sawirka[Horufadhi.com]

Nairobi

Shirkaasi Jaaliyada waxa ugu Mihiimsanaa in Isimada Warsangali ay ku Baaqaan Shir deg dega ah oo Gudaha kaasi oo ah mid wax badan oo Masiirka Deegaankaasi looga Tashandoono

Jaaliyadaha Taageeray Baaqii Kenya Halkan ka Akhriso

GalGalanews.com

Bayaankan oo nuqulkiisa saxaafadda loo qaybiyey ayaa wuxu u qornaa sidan:

“  Isu imaatin aannu yeelanay hadii aannu nahay  waxgaradka beesha Aadan Siciid ee ku sugan magaalada Badhan , xidhiidhna la samaynay guurtida iyo cuqaasha kale ee kala jooga meelaha ka baxsan Badhan sida Boosaaso , Hadaaftimo , Laasqoray iyo weliba jaaliyadaha  dibadda , waxan ku falanqaynay marxaladda gobolada Maakhir iyo mustaqbalkooda .

Falanqayn kadib waxannu  isla qaadannay arimahan :

1) Nabad Gelyada : Waxa goboladani ku caana-maaleen waa nabad gelyo , waxa horumar lagu gaadhi karaana waa nabad gelyo . sidaa darteed waxa beeshu go’aansatay iney hormuud ka noqdaan adkaynta nabad gelyada gobolada Maakhir , wixii wax u dhimaya oo amniga khal khal gelinayana ay meel uga soo wada jeensadaan . Waxyaalaha farta lagu fiiqay ayaa waxa kamid ahaa shirkadaha macdanta ee la sheegay iney goboladan imanayaan iyada oo aan beelaha Maakhir wax talo ah ka yeelan , taasna waxa lagu tilaamay iney ka mid tahay waxyaalaha nabad gelyada xumayn kara . Waxanuna beelaha kale ee reer Maakhir ugu baaqaynaa iney arintaas fiiro gaar ah u yeeshaan , kana digtoonaadaan wixii dalka khalkhal gelinaya.

2) Horumarka: Waxa beeshu soo dhoweyneysaa wax alla iyo wixii gobolada Maakhir lagu hor marinayo . Waxanuna kaga talo bixinaynaa in wax walba oo horumar ah qorshe iyo nidaam loo raaco loo sameeyo , lagana waantoobo wixii caadifad iyo deg-deg ku salaysan, hadhowna eed iyo kala cabasho keeni kara, iyada oo arintaasna aynu waayo aragnimo u leenahay.

3) Midnimada : Waxa beeshu taageero buuxda u haysaa wixii midnimo iyo isku duubni u keenaya bulsha weynta ku nool gobolada Maakhir , wixii midnimadaas xoojinayana waa in beeshu hormuud ka noqotaa . Sidoo kale waxa beeshu ka digaysaa wixii wiiqaya midnimada , tafa-raaruqna u keenaya bulshada , taasoo inta badan ka timaadda xagga siyaasiyiinta oo bulshada ku kala kaxaysa waxaan laga tashan iyo dano gaar ah. Waxa kale oo beeshu ka digaysaa in rabitaanka bulshada lagu majare habaabiyo dan kooxeed iyo waxaan laga tashan la iskuna waafaqsanayn sida : In maamul u gaar ah loo sameeyo gobolada Maakhir oo aan ku iman talo la bisleeyey oo loo dhan yahay.

4) Soo Dhoweyn: Waxa beeshu soo dhoweyneysaa shirarka wada tashiga ah ee u socda beelaha reer Maakhir qaarkood , waxanuna ka filaynaa iney qaataan mawqifyo kan la mid ah .

Magacyada Isimada , Cuqaasha iyo Guurtida :

1)    Ugaas Ibraahim Cali Shibiin.

2)    NB. Maxamuud Cabdalla Dabshid.

3)    NB. Xasan Faarax Maxamuud.

4)    NB. Jaamac Maxamuud Maxamed.

5)    NB. Maxamuud Faarax Ducaale.

6)    NB. Cabdalle Ciise Xuseen

7)    Guurti : Axmed Maxamed Faarax ( Haaruun )

8)    Guurti : Maxamed Faarax Axmed ( Xaaji Dhuluc) .

9)    Guurti : Shire Saalax Axmed .

10)           Guurti : Aadan Cabdi Jaamac.

11)           Ganacsade : Caydiid Jaamac Dibad.

12)           Ganacsade : Axmed Siciid Xasan.

13)           Ganacsade : C/raxmaan Maxamed Cali ( Sucuudi)

14)           Ganacsade : Cabdi Maxamed Xasan ( Qoslaaye)

15)           Guurti : Siciid Jaamac Xuseen (Daara-sacad)

16)           Guurti : Mustafe Maxamed M. Maacir.

17)           Guurti : Axmed Cabdi Maxamed (Yey)

18)           Guurti : Cabdi Yuusuf Maxamed

19)           Guurti : Siciid Ibraahim Cashare.

20)           Guurti : Maxamed Cali Maxamed ( Dhega-juun)

21)     Guurti : C/qaadir Muuse Bidaare .

22)   Guurti : Cabdalle Maxamed Faarax .

wa billaahi tawfiiq

NB. Maxamuud Faarax Ducaale :  Telefoon :  756058

NB. Xasan Faarax Maxamuud  : Telefoon :764468