Halkan Hoose ka Dhageyso Gabeyga Madarshoon

Halkan ka Dhageyso Gabeyga http://laasqoray.org/wp-content/plugins/Gabay_Madarshoon5.mp3

Mugga gabayga miisaanka iyo meerintiyo jiibta

Marraan iyo maqluub baa murtida muunaddeed dila’ee

Macnaha lama warsado niman aqoon xaajo marinkeede

Farooloow majnuun inaa tihiyo iyo inaad masaaleys

Iyo mooyi inaad leedahoo aad is maqiiqaysoo

Labadaa nin maanli’i ma huro waana loo maragee

Madaxweyne goortaad heshee lagugu maamuusay

Buntilaan maaqaamkeeda sare lagu mihiibsiiyey

Miyaad noqotay mici dhiigle aan maxasta dhaafaynin?

Muruq sheegadkii aad Galgala maalin ugu duushey

Macadan gurashadii sow mariid kuma maggawsiinin

Maskaxlaawe sow gacal aan mudan kuma manaabayni

Meel lagu badbaadaba dalkii maanta laga waaye

Madaxyada Cagaarriyo melmelan hawdka marinkiisa

Adigaa masuul ka ah wixii maata doox dhacayee

Ragga mawdku waa dili jiroo Maalig baw qoraye

Miciin laawe taladiisa waa laysku madhiyaaye

Malkadii Garoowaa hadhgalay lays makalayaaye

Miilada sidii aad u timid murugyey xaalkiiye

Madaxdeennii baa li’atay iyo ma hurtadeenniiye

Macnihii Warsame loo dilaa muran ka joogaayee

Afartaa ma meermeeriyee meel ma qabadsiiyey

Macnihiyo ujeeddada dadkii sow maqashiinin

Muusaraarin maayee miyaan miimka ka habowsheey

Gaalkacayo midigtaada sow maammul kuma dhaafin?

Masaakiinti aad didisayoo laba malyuumaada

Sow Baraxley meesi uma noqon ciidan muruq weyn leh?

Laascaanood shisheeyaha mulkiyey kuma macruufteene

Maangaab Shirshooruhu hadduu waa ku magalloodshey

Maatada gar maahayn inaad milay ku ooddaayee

Muslimkii arlada joogay baad magac ku sheegtaaye

Mintidiinta adigaa u weyn maqaddimiintoodee

Budhcaddii maleegnayd adaa macallinkoodiiyee

Eed kuguma moosine adaa meel xille isdhigaye

Adaa macangagoo taadu tahay aan maroorsado’ee

Madarshoon wixii kaaga dhacay baw markhaantiyahee

Waxba ha is mutuxin maalinbaa mawdku kuu iman

Mawlaha hortiis waxad la tegi madhaxa kuu yaale

Mingistiyo Sinaawiba kolkaa magansan maysaanee!

GABAYGA LABAAD: CAQIIBO

Caqlibaa adduunyada nafluhu ku cirriqaayaaye

Cajabayeey dadweynaha Buntlaan lagu caqqiibeeye

Caaqa ina Farooliyo haddaan ciriqa baas joogi

Ninna Carabta dhoof uma tageen ciirsi kale daayee

Soomaaliya colaaddiyo dhibtii la isku cayntaarshey

Carradanu ka nabad bay ahayd cuurarkii lumayee

Iscasilay Farooloow codkaa waannu kaa filiye!

Iscasilay Faroolow codkaa waannu kaa filiye

W.T: Maxamud Axmed

Email: dhalool@gmail.com

Comments

comments